BARAZA LA MADIWANI LABARIKI MABADILIKO YA MATUMIZI YA FEDHA KIASI CHA SH. MILIONI 400 NA KWENDA KUTEKELEZA MIRADI YA AFYA NA ELIMU

Posted on: October 28th, 2021

Na. harunataratibu82@gmail.com 

Mkutano wa kwanza wa Baraza la Madiwani wa Halmashauri (Wilaya)  Itilima kwa mwaka wa fedha 2021 - 2022 umebariki kwa kauli Moja Mabadiliko ya  Matumizi ya Fedha kiasi Cha Sh. Milioni 400 kilichokuwa kitumike katika muendelezo wa ujenzi wa jengo la Ofisi ya Mkurugenzi Mtendaji wa Halmashauri.

 Hivyo Wah. Madiwani waliona ni vyema Fedha zikaenda kukamilisha ujenzi wa Zahanati tatu za Dasina, Nhobora na Laini na maboma ya Vyumba vya Madarasa kwa Shule za Msingi, pamoja na Ujenzi wa nyumba mbili za Watumishi Moja ikijengwa katika Hospitali ya Wilaya.

Akifunga mjadala wa hoja hiyo Mwenyekiti wa Halmashauri (W) Itilima Mhe. Daudi Nyalamu alitoa  mchanganuo utakao ongoza matumizi ya Fedha hizo, kuwa kiasi cha Sh. Milioni 300 kitatumika  katika ukamilishaji wa Zahanati tatu na maboma ya Madarasa kwa Shule za Msingi na Sh. Milioni 100/ itatumika katika ujenzi wa Nyumba mbili za Watumishi Moja itajengwa katika Hospitali ya Wilaya ya Itilima.