Baada ya utekelezaji wa miradi ya maendeleo kwa mwaka wa fedha uliyopita kwa mafanio, sasa tunaelekea katika ujenzi wa hospitali Wilaya ya Itilima

Posted on: November 30th, 2018

TAARIFA YA MIRADI ILIYOTEKELEZWA WILAYANI ITILIMA KWA NJIA YA PICHA KWA MWAKA WA FEDHA

(2016/2017  2017/2018)

Mradi wa Usambazaji Maji Katika Kijiji cha Lagangabilili

Mradi Wa Usambazaji Maji Katika Kijiji cha Lagangabilili Wenye Thamani ya

Tsh. 907,617,866, Fedha Zote Zimetoka Serikali Kuu. Picha Ya Kwanza Inaonesha Tanki la Maji, Kituo cha Kuchotea Maji na Kiongozi wa Mbio za Mwenge wa Uhuru Kitaifa Ndugu. Charles Francis Kabeho Akizindua Mradi.

Mradi wa Uboreshaji wa Huduma za Afya katika Kituo cha Afya Ikindilo

Uboreshaji wa Huduma za Afya Katika Kituo cha Afya Ikindilo kwa Tsh. 525,000,000 unaendelea kutekelezwa kwa ukamilishaji wa Jengo la Maabara, Jengo la kuhifadhia Maiti, Mtandao na Maji. Aidha, Jengo la Upasuaji, Wodi ya Wazazi na Nyumba ya Mtumishi Imekamilika.

Wodi ya Uzazi Katika Zahanati ya Migato Imejengwa kwa Tsh. 30,000,000 ni Moja Kati ya Wodi 5 Zilizojengwa kwa Jumla ya Tsh. 150,000,000 chini ya ufadhili wa UNFPA

Ujenzi wa Miundombinu ya Elimu

Ujenzi wa Madarasa 4 na Ununuzi wa Madawati Katika Shule ya Msingi Lagangabilili

kwa Thamani ya Tsh. 80,000,000 Kupitia Mpango wa Lipa Kulingana na Matokeo (P4R) umekamilika.

Ujenzi Wa Vyumba 3 vya Maabara za Masomo ya Sayansi Katika Shule ya Sekondari Budalabujiga kwa Thamani ya Tsh. 125,767,000.

Wanafunzi wa Masomo ya Sayansi Katika Shule ya Sekondari Budalabujiga Wakiendelea na Mafunzo kwa Vitendo (Practical).

Ujenzi wa Mabweni 2 Katika Shule ya Sekondari Itilima kwa Thamani ya Tsh. 293,200,000 Yenye Uwezo wa Kubeba Wanafunzi 240 fedha zote zimetoka Serikali Kuu.

Ujenzi wa Bweni Jipya la Wanafunzi wa Kike Katika Shule ya Sekondari Nkoma Chini ya Ufadhili wa Ubalozi wa China kwa Thamani ya Tsh.178,448,000 Lenye Uwezo wa Kubeba Wanafunzi 160.

Ujenzi wa Jengo la Ofisi ya Mkurugenzi Mtendaji

Ujenzi wa Jengo la Ofisi ya Mkurugenzi Mtendaji, Halmashauri ya Itilima Ukiwa Umekamilika kwa Awamu ya Kwanza kwa Thamani ya Tsh. 670,590,194 Ukiwa Umejumuisha Mifumo ya Maji Safi, Maji Taka na Umeme.